Sədərəkdə stolüstü tennis üzrə məktəblilər arasında yarış keçirilib - FOTOLAR

Naxçıvan Muxtar Respublikası Gənclər və İdman Nazirliyinin mətbuat xidmətindən NUHÇIXAN-a verilən xəbərə görə, Sədərək məktəbliləri arasında stolüstü tennis üzrə yarış keçirilib. “Zərərli vərdişlərə yox deyək, həmişə sağlam olaq” devizi altında keçirilən yarışda 20-dən çox məktəbli mübarizə aparıb. Sədərək Rayon Gənclər və İdman idarəsi, Təhsil Şöbəsi, Uşaq-Gənclər İdman məktəbi və Yeni Azərbaycan Partiyası Sədərək rayon Təşkilatı Gənclər Birliyinin təşkilatçılığı ilə baş tutan yarış dairəvi sistem üzrə təşkil olunub.

Sonda qaliblər diplomlarla mükafatlandırılıblar.