"Real Madrid" Toni Kroosun müqaviləsinin müddətini uzadıb

İspaniyanın "Real Madrid" klubu futbolçusu Toni Kroosun müqaviləsinin müddətini uzadıb.

NUHÇIXAN Madrid təmsilçisinin rəsmi saytına istinadən xəbər verir ki, 33 yaşlı yarımmüdafiəçinin yeni sözləşməsi 2024-cü ilin yayınadək nəzərdə tutulub.

Qeyd edək ki, 2014-cü ildən "Real Madrid"də çıxış edən almaniyalı oyunçu bu müddət ərzində 3 dəfə La Liqanın, 4 dəfə Çempionlar Liqasının, eyni sayda UEFA Super Kubokunun, 5 dəfə klublararası dünya çempionatının, 1 dəfə İspaniya Kubokunun, 3 dəfə isə İspaniya Super Kubokunun qalibi olub.