UEFA: "Rusiya komandalarının tezliklə beynəlxalq arenada oynayacaqlarına inanırıq"
"İnanırıq ki, Rusiya milli komandaları və klubları tezliklə beynəlxalq arenada oynaya biləcəklər".
NUHÇIXAN-ın məlumatına görə, bunu Rusiya Futbol İttifaqının (RFS) Moskvadakı konfransında iştirak edən UEFA prezidenti Aleksander Çeferinin milli assosiasiyalar üzrə müşaviri Yozef Klement deyib.
O, Avropa futbol qurumunun RFS-lə əməkdaşlığı heç vaxt kəsmədiyini bildirib: "Futbol körpülər qurmalıdır. İndi bizi ciddi sınaq gözləyir. UEFA futbolun qalib gələcəyinə əmindir".
Qeyd edək ki, Rusiya yığmaları və klubları Ukrayna ilə müharibəyə görə FIFA və UEFA-nın yarışlarından kənarlaşdırılıb.