“Araz-Naxçıvan” turnirin qalibi oldu
Naxçıvan Muxtar Respublikası Gənclər və İdman Nazirliyi ilə Futbol Federasiyasının birgə təşkil etdiyi ümummilli lider Heydər Əliyevin anadan olmasının 95-ci ildönümünə həsr edilmiş futbol üzrə “Heydər Əliyev kuboku” uğrunda muxtar respublika turnirinə yekun vurulub.
NUHÇIXAN xəbər verir ki, Naxçıvan Muxtar Respublika Stadionunda keçirilən final qarşılaşmasında “Araz-Naxçıvan” və Naxçıvan Dövlət Universitetinin komandaları üz-üzə gəliblər.
90 dəqiqə qolsuz başa çatıb. Görüşün əlavə vaxtında “Araz-Naxçıvan” komandası rəqib qapısından üç qol keçirib və “Heydər Əliyev kuboku” turnirinin qalibi olub.
Sonda hər iki komandaya diplom, kubok və hədiyyələr təqdim edilib.