"Barselona"dan ayrılan daha bir futbolçu "İnter Mayami"yə keçir
İspaniyanın "Barselona" klubunun sabiq futbolçusu Jordi Albanın yeni klubu müəyyənləşib.
NUHÇIXAN "The Miami Herald"a istinadən xəbər verir ki, 34 yaşlı cinah müdafiəçisi ABŞ-ın "İnter Mayami" klubuna keçəcək.
İspaniyalı oyunçu iyulun 7-də rəsmi müqavilə imzalayacaq.
Qeyd edək ki, "İnter Mayami" daha əvvəl Kataloniya təmsilçisindən ayrılan Serxio Buskets və son olaraq Fransa PSJ-sində çıxış edən Lionel Messini də heyətinə qatıb. "Barselona" mayın 24-də Alba ilə vidalaşıb.