"Qarabağ" - "Linkoln" oyununa indiyədək satılmış biletlərin sayı bəlli olub
Bakıda "Qarabağ" və Cəbəllütariqin "Linkoln" komandaları arasında keçiriləcək UEFA Çempionlar Liqasının I təsnifat mərhələsinin cavab oyununa indiyədək satılmış biletlərin sayı müəyyənləşib.
"Köhlən atlar"dan NUHÇIXAN-a verilən məlumata görə, qarşılaşma üçün 12 min bilet alınıb.
Qeyd edək ki, iyulun 19-da Bakı Olimpiya Stadionunda baş tutacaq görüş saat 20:00-da start götürəcək. Azərbaycan təmsilçisi səfərdəki ilk matçda qalib gəlib - 2:1.