"Araz-Naxçıvan" futbol klubunun yeni loqosu təqdim olunub
Futbol üzrə Azərbaycan Premyer Liqasında iştirak edəcək “Araz-Naxçıvan”ın yeni loqosu hazırlanıb.
Futbol klubundan NUHÇIXAN-a verilən məlumata görə, klubun ənənəvi ağ-qırmızı rəngləri fonunda hazırlanan loqoda Naxçıvanın simvollarından olan Haça dağı, türk mifologiyasında müqəddəs heyvan hesab olunan boz qurd, eləcə də futbolun əsas atributu – top əks olunub.
Buraya klubun yaradılma tarixi və səkkizguşəli ulduz da əlavə edilib.