“Araz-Naxçıvan”ın ev oyunlarını keçirəcəyi məkan dəqiqləşib
Futbol üzrə Azərbaycan Premyer Liqasında mübarizə aparacaq “Araz-Naxçıvan”ın ev oyunlarını keçirəcəyi məkan dəqiqləşib.
NUHÇIXAN xəbər verir ki, Naxçıvan Muxtar Respublikası stadionunda aparılacaq təmir işləri ilə əlaqədar komanda rəqiblərini oktyabradək müvəqqəti olaraq Mərdəkandakı “Dalğa Arena”da qəbul edəcək.
Qeyd edək ki, 2011-ci ildə istifadəyə verilən arenanın tamaşaçı tutumu 6700 nəfərlikdir, meydanın örtüyü isə təbiidir.