"Borussiya" məişət zorakılığında ittiham olunan futbolçunun müqaviləsini ləğv edib
Almaniyanın "Borussiya" (Dortmund) klubu futbolçusu Niko Şultsla yollarını ayırıb.
NUHÇIXAN Dortmund təmsilçisinin rəsmi saytına istinadən xəbər verir ki, 30 yaşlı cinah müdafiəçisinin müqaviləsi qarşılıqlı razılıq əsasında ləğv edilib.
Qeyd edək ki, almaniyalı oyunçu 2019-cu ildə "Hoffenhaym"dan 25,5 milyon avroya alınıb. O, ötən mövsüm komandanın heyətində meydana çıxmayıb. Şults 2022-ci ilin avqustunda məişət zorakılığında ittiham edilib.