"Qarabağ" və "Neftçi" arasındakı oyunların vaxtı bəlli olub
Azərbaycan Premyer Liqasında "Qarabağ" və "Neftçi" komandaları arasında keçiriləcək oyunların vaxtı müəyyənləşib.
NUHÇIXAN-ın məlumatına görə, IX tura təsadüf edəcək ilk qarşılaşma 6-8 oktyabrda olacaq və "ağ-qaralar" son ölkə çempionunu qəbul edəcək.
Tərəflər arasında ikinci matç XVII turda (15-17 dekabr) gerçəkləşəcək. Bu dəfə "köhlən atlar" meydan sahibi qismində mübarizə aparacaq.
III dövrədəki Azərbaycan derbisi XXV-ci turda (1-3 mart), sonuncu görüş isə XXXIII turda (3-5 may) baş tutacaq.
Qeyd edək ki, Premyer Liqaya avqustun 4-də start veriləcək.