“Neftçi”nin səfərdəki oyununun vaxtı açıqlanıb
“Neftçi”nin UEFA Konfrans Liqasının II təsnifat mərhələsində Bosniya və Herseqovina klubu “Jelezniçar”la səfər oyununun vaxtı açıqlanıb.
NUHÇIXAN qitə futbol qurumunun rəsmi saytına istinadən məlumatına görə, cütün ilk qarşılaşması iyulun 27-də “Qrbavitsa” stadionunda baş tutacaq.
Matçın start fiti Bakı vaxtı ilə saat 22:30-da səslənəcək.
Qeyd edək ki, bu komandalar arasında avqustun 3-də “Bakcell Arena”da keçiriləcək cavab görüşü saat 21:00-da başlayacaq.