“Araz-Naxçıvan" Almaniya klubunu darmadağın edib
“Araz-Naxçıvan” komandası futzal üzrə UEFA Çempionlar Liqasında növbəti oyununu keçirib.
NUHÇIXAN xəbər verir ki, Azərbaycan çempionu A qrupundakı ikinci matçında Almaniya təmsilçisi “Yan Regensburq”la qarşılaşıb.
“Salaspils İdman Arenası”nda oynanılan görüş təmsilçimizin inamlı qələbəsi ilə yekunlaşıb – 0:5.
Qrupun digər matçında Türkiyənin “İstanbul Şişli” klubu Latviya “Riqa”sı ilə üz-üzə gələcək.
UEFA Çempionlar Liqası
A qrupu
24 avqust
15:00. “Yan Regensburq” (Almaniya) – “Araz-Naxçıvan” (AZƏRBAYCAN) – 0:5
Hakimlər: Drazen Vukçeviç (Monteneqro), Martina Pikkola (İtaliya), Arttu Kyinaeraeinen (Finlandiya)
Timekeeper: Kiazo Leladze (Latviya)
Hakim-inspektor: Vyaçeslav Darahan (Ukrayna)
UEFA nümayəndəsi: Massimo Nanni (San Marino)
Qeyd edək ki, “Araz-Naxçıvan” qrupdakı ilk oyununda “İstanbul Şişli” komandasına 9:1 hesabı ilə qalib gəlib.