Azərbaycan – Belçika oyununa 4447 bilet satılıb
AVRO-2024-ün seçmə mərhələsində keçiriləcək Azərbaycan – Belçika oyununa 4447 bilet satılıb.
Bu barədə NUHÇIXAN-a AFFA-nın mətbuat katibi Elnur Məmmədli məlumat verib.
“Dalğa Arena”da baş tutacaq qarşılaşma üçün bilet satışı davam edir. Qiymətlər ikinci kateqoriyaya 5, birinci kateqoriyaya 10, VIP-yə isə 50 manat təşkil edir. Arena ümumilikdə 6500 tamaşaçı tutumuna malikdir.
Qeyd edək ki, sentyabrın 9-da keçiriləcək qarşılaşma saat 17:00-da başlayacaq.