Naxçıvanda bədii gimnastika üzrə beynəlxalq turnir keçirilir - VİDEO

NUHÇIXAN xəbər verir ki, Naxçıvanda Ümummilli Lider Heydər Əliyevin 100 illik yubileyinə həsr olunmuş bədii gimnastika üzrə “Grace of Nature” beynəlxalq turnirinə start verilib.

Naxçıvanda gimnastika üzrə təşkil olunan ilk beynəlxalq yarışda Azərbaycan və Qazaxıstan komandalarını təmsil edən 300-dək idmançı çempion adı uğrunda mübarizə aparır.

Naxçıvan şəhər Olimpiya İdman Kompleksində keçirilən turnirə paytaxt və bölgələri təmsil edən 20 klubdan kiçikyaşlı, yeniyetmə və gənc gimnastlar qatılıb.

İdmançılar kiçiklər, balacalar, yeniyetmələr və gənclər olmaqla 4 yaş kateqoriyasında çıxış edirlər. Yarışa Bakı, Naxçıvan, Gəncə, Ağdaş, Mingəçevir, Oğuz, Qax, Şəmkir və Zaqatalanı təmsil edən gimnastlar qoşulublar.

Hər bir yaş qrupu üzrə qalib olan gimnastlar təşkilatçılar tərəfindən diplom və medallarla mükafatlandırılıb.