“Qatar Open” turnirində iştirak edəcək Azərbaycan şahmatçıları bəlli olub
Bu gün Dohada şahmat üzrə “Qatar Open” turnirinə start veriləcək.
Azərbaycan Şahmat Federasiyasının mətbuat xidmətindən NUHÇIXAN-a verilən məlumata görə, yarışda Azərbaycanı Vüqar Rəsulov, Əhməd Əhmədzadə, Read Səmədov, Gülnar Məmmədova və Xanım Balacayeva təmsil edəcək.
155 şahmatçının iştirak edəcəyi turnir İsveçrə sistemi üzrə keçiriləcək. 9 turdan ibarət yarışda Maqnus Karlsen (Norveç), Hikaru Nakamura (ABŞ) və Aniş Giri (Niderland) də mübarizə aparacaq.
Qeyd edək ki, yarışın ümumi mükafat fondu 110 min ABŞ dolları təşkil edir.