PSJ Messi və Neymarın gedişindən sonra sponsorlarla problem yaşayır
Fransanın PSJ klubu sponsorlarla problem yaşayır.
NUHÇIXAN GFFN nəşrinə istinadən xəbər verir ki, bu, Lionel Messi və Neymarın gedişindən sonra baş verib.
Messinin Paris təmsilçisi ilə vidalaşmasının ardından klubun sosial şəbəkələrdə abunəçilərinin sayı 10-15 milyon nəfər azalıb. Həmçinin bir çox sponsorlar PSJ ilə əməkdaşlığa son qoymaq barədə düşünür.
Bundan əlavə, hər iki futbolçunun ayrılması ilə bilet satışı da azalıb.
Qeyd edək ki, Lionel Messi ABŞ-nin "İnter Mayami", Neymar isə Səudiyyə Ərəbistanının "Əl-Hilal" klubuna keçib.