AVRO-2024: Azərbaycan millisi səfərdə Belçika ilə üz-üzə gələcək
Bu gün Azərbaycan millisi AVRO-2024-ün seçmə mərhələsində sonuncu oyununu keçirəcək.
NUHÇIXAN-ın məlumatına görə, Canni De Byazinin baş məşqçisi olduğu kollektiv Belçika yığmasının qonağı olacaq.
"Kinq Baudouin” stadionunda reallaşacaq görüş Bakı vaxtı ilə saat 21:00-da start götürəcək.
Matçı Gerqo Boqarın rəhbərlik etdiyi macarıstanlı hakimlər briqadası idarə edəcək. Meydan sahibləri F qrupunda 17 xalla ikincidir. Komandamız isə 7 xalla 4-cü sırada qərarlaşıb.
Qrupun digər oyununda İsveç Estoniyanı qəbul edəcək.
AVRO-2024, seçmə mərhələ
21:00. Belçika - Azərbaycan
Baş hakim: Gerqo Boqar (Macarıstan).
Brüssel. "Kinq Baudouin”