"Barselona"nın futbolçusu Avropa çempionatını buraxa bilər

İspaniya millisinin və "Barselona" klubunun futbolçusu Qavi zədə səbəbindən mövsümü erkən başa vurub.

NUHÇIXAN xəbər verir ki, bu barədə Kataloniya təmsilçisinin rəsmi saytı məlumat yayıb.

İspaniya yığmasının “Avro-2024”ün seçmə mərhələsində Gürcüstanı 3:1 hesabı ilə məğlub etdiyi matçda zədələnən yarımmüdafiəçinin sağ dizinin çarpaz bağları qopub. Gənc oyunçunun təqribən 8-9 aydan sonra yaşıl meydanlara qayıdacağı gözlənilir.

Onun Avropa çempionatında oynayıb-oynamayacağı bəlli deyil.

Avropa çempionatı 2024-cü il iyunun 14-dən iyulun 14-dək Almaniyada keçiriləcək. Qitə birinciliyində 24 komanda mübarizə aparacaq.