KİV: “2026 FIFA Dünya Kuboku”nun finalı Dallasda keçiriləcək
2026-cı il futbol üzrə dünya çempionatının final oyunu Dallasdakı (Texas, ABŞ) stadionda keçiriləcək.
NUHÇIXAN xəbər verir ki, bu barədə ESPN məlumat yayıb.
Final oyunu Milli Futbol Liqasının (NFL) "Dallas Cowboys" klubunun AT&T stadiumunda keçiriləcək. Arenanın maksimal tutumu 105 min tamaşaçıdır. Stadion 2009-cu ildə istifadəyə verilib.
2026-cı il dünya çempionatı ABŞ, Kanada və Meksikada keçiriləcək. Final iyulun 19-da baş tutacaq.