Azərbaycan Premyer Liqası: XX tura Tovuzda start verilir

Bu gün futbol üzrə Azərbaycan Premyer Liqasında XX tura start veriləcək.

NUHÇIXAN xəbər verir ki, ilk oyun günündə bir qarşılaşma keçiriləcək.

Hazırda 22 xalla turnir cədvəlinin 8-ci pilləsində qərarlaşan “Turan Tovuz” doğma meydanda 27 xalla 5-ci sırada yer alan “Səbail”i qəbul edəcək. Tovuz şəhər stadionunda oynanılacaq görüş saat 15:00-da başlayacaq.

İki komanda indiyədək ölkə çempionatında 6 dəfə üz-üzə gəlib. Bunların 1-də meydan sahibləri, 2-də qonaqlar qələbə qazanıblar. 3 qarşılaşmada qalib müəyyənləşməyib. Topların nisbətində də “dənizçilər”in üstünlüyü var – 10:8.

“Səbail” 5 görüşdür rəqibinə uduzmur. “Turan Tovuz” bütün matçlarda qol vurub.

Qeyd edək ki, turun “Kəpəz” – “Qarabağ” və “Zirə” – “Sabah” oyunları yanvarın 27-də, “Araz-Naxçıvan” – “Sumqayıt” və “Neftçi”– “Qəbələ” matçları isə yanvarın 28-də keçiriləcək.

Azərbaycan Premyer Liqası

XX

26 yanvar (cümə)

15:00. “Turan Tovuz” – “Səbail”

Hakimlər: Rauf Allahverdiyev, Cəmil Quliyev, Şirmamed Mamedov, Səbuhi Bayramov

Hakim-inspektor: İmanxan Sultani

AFFA nümayəndəsi: Rüfət Əmirov

Tovuz şəhər stadionu.