Naxçıvanda havanın temperaturu 39 dərəcəyədək yüksələcək
NUHÇIXAN xəbər verir ki, iyulun 12-dən 15-dək havanın isti keçəcəyi proqnozlaşdırılır. Bu tarixlərdə Naxçıvan Muxtar Respublikası ərazisində havanın maksimal temperaturunun 33–38° isti, bəzi yerlərdə isə 39°-dək yüksələcəyi gözlənilir. Dağlıq ərazilərdə temperaturun 26–31° isti olacağı ehtimal olunur.
Yüksək temperaturla bağlı əhalidən günün isti saatlarında açıq havada uzun müddət qalmamaq, günəşdən qorunmaq və bol maye qəbul etmək tövsiyə olunur.