Naxçıvanda 29 millimetrədək yağıntı düşüb - VİDEO
Mayın 22-dən 25-dək Naxçıvan Muxtar Respublikası ərazisində qeyri-sabit hava şəraiti davam edib.
Naxçıvan Muxtar Respublikası Ekologiya və Təbii Sərvətlər Nazirliyinin Hidrometeorologiya Mərkəzindən NUHÇIXAN-a verilən məlumata görə, mayın 25-i saat 10:00-a olan məlumata əsasən, muxtar respublikanın müxtəlif bölgələrində yağıntılı hava şəraiti müşahidə olunub.
Mayın 22-dən 25-dək düşən yağıntının miqdarı Naxçıvan şəhərində 29 mm, Şərurda 13 mm, Şahbuzda 18 mm, Biçənəkdə (Şahbuz) 28 mm, Küküdə (Şahbuz) 14 mm, Ordubadda 6 mm, Parağaçayda (Ordubad) 20 mm, Culfada 10 mm, Göydərədə (Culfa) 9 mm, Kəngərlidə 26 mm, Sədərəkdə 21 mm, Axurada (Şərur) isə 20 mm qeydə alınıb.
Müşahidə olunan yağıntılar bəzi ərazilərdə havanın temperaturunun enməsinə və çaylarda sululuğun artmasına səbəb olub.