Naxçıvanda fevral ayının hava proqnozu açıqlanıb

Naxçıvan Muxtar Respublikasında fevral  ayına olan hava proqnozu açıqlanıb.

Ekologiya və Təbii Sərvətlər Nazirliyinin Milli Hidrometeorologiya Departamentindən NUHÇIXAN İnformasiya Agentliyinə verilən  məlumata əsasən, Naxçıvan Muxtar Respublikasında orta aylıq temperaturun 1-5° isti olacağı gözlənilir ki, bu da iqlim normasına yaxın və normadan 3-4° yüksəkdir. Gecələr havanın temperaturunun 5-10°, bəzi günlərdə 15-20° şaxta, gündüzlər 3° dərəcə şaxtadan 2°-dək isti, bəzi günlərdə 3-5° şaxta olacağı ehtimalı var. Aylıq yağıntının miqdarı iqlim normasına yaxın, bəzi yerlərdə isə bir qədər normadan çox (norma 11-29 millimetr) olacağı ehtimal edilir.