Sinoptiklərdən xəbərdarlıq: Havanın temperaturu enəcək, yağış, qar yağacaq

Sinoptiklər ölkə ərazisində hava şəraitinin dəyişəcəyi ilə əlaqədar xəbərdarlıq ediblər.

Ekologiya və Təbii Sərvətlər Nazirliyinin Milli Hidrometeorologiya Xidmətindən NUHÇIXAN İnformasiya Agentliyinə verilən məlumata görə, Bakıda və Abşeron yarımadasında fevralın 10-u səhərdən 11-dək şimal-qərb küləyinin əsəcəyi, sürətinin arabir 15-20 metr/saniyə olacağı, səhər və gündüz bəzi yerlərdə arabir saniyədə 23-28 metrədək güclənəcəyi gözlənilir. Fevralın 10-u axşam, fevralın 11-i gecə bəzi yerlərdə yağış yağacağı ehtimalı var. Havanın temperaturu ötən günlərlə müqayisədə 5-7° enəcək.

Fevralın 10-u günün ikinci yarısı qərb rayonlarından başlayaraq fevralın 11-i axşamadək ölkə ərazisində hava şəraitinin arabir yağıntılı olacağı, dağlıq ərazilərdə qar yağacağı ehtimal edilir. Əsasən şimal və qərb rayonlarında yağıntının intensiv olacağı proqnozlaşdırılır. Qərb küləyinin əsəcəyi, sürətinin arabir 15-20 metr/saniyə olacağı, fevralın 10-da ayrı-ayrı yerlərdə arabir saniyədə 23-28 metrədək güclənəcəyi bildirilir. Havanın temperaturu ötən günlərlə müqayisədə 5-8° enəcək. Fevralın 11-də gecə və səhər bəzi dağlıq ərazilərdə yolların buz bağlama ehtimalı var.