Xəbərdarlıq: Paytaxtda 40, bəzi yerlərdə isə 42 dərəcə isti olacaq

İyulun 11-dən 15-dək Bakıda və Abşeron yarımadasında havanın maksimal temperaturunun 33-38° isti olacağı, bəzi yerlərdə 40°-dək yüksələcəyi gözlənilir.

Ekologiya və Təbii Sərvətlər Nazirliyinin Milli Hidrometeorologiya Xidmətindən NUHÇIXAN İnformasiya Agentliyinə verilən məlumata görə, iyulun 12-də şimal-qərb küləyi əsəcək, sürəti saniyədə 15-18 metr olacaq, arabir 20-23 metrədək güclənəcək.

İyulun 11-dən 15-dək Azərbaycanın bəzi rayonlarında havanın maksimal temperaturunun 34-39° isti olacağı, bəzi yerlərdə 42°, dağlarda 25-30°-dək yüksələcəyi gözlənilir.

İyulun 12-13-də qərb küləyi əsəcək bəzi yerlərdə arabir 20-25 metr/saniyəyədək güclənəcək.