Naxçıvanın 10 şirkəti beynəlxalq sərgilərdə iştirak edib
Naxçıvanın 10 şirkətinin məhsulları beynəlxalq sərgilərdə nümayiş etdirilib.
Bu barədə NUHÇIXAN-a Naxçıvan Muxtar Respublikasının İqtisadiyyat Nazirliyindən məlumat verilib.
Bildirilib ki, ötən ay yerli şirkətlər İxracın və İnvestisiyaların Təşviqi Agentliyinin (AZPROMO) təşkilatçılığı ilə “Iraq Fair” və “Green Week Berlin 2024” sərgilərində iştirak ediblər.
"Made in Azerbaijan" vahid ölkə stendində Naxçıvanın duz, limonad və mineral sular, qənnadı məmulatları, kişmiş, meyvə şirələri, enerji içkiləri, ət konservləri və digər məhsulları nümayiş etdirilib. Sərgilər çərçivəsində Naxçıvan sahibkarları xarici ölkələrdən olan həmkarları ilə görüşlər keçirib, məhsul ixracına dair müzakirələr aparıblar.