"Muxtariyyət dövründə Naxçıvan ədəbi mühiti" mövzusunda tədbir keçirilib - FOTOLAR

NUHÇIXAN xəbər verir ki, martın 13-də Cəlil Məmmədquluzadə adına Naxçıvan Muxtar Respublika Ədəbiyyat Muzeyində muxtariyyətin 100 illik yubileyinə həsr olunmuş "Muxtariyyət dövründə Naxçıvan ədəbi mühiti" mövzusunda tədbir keçirilib.

Tədbiri giriş sözü ilə açan muzeyin direktoru Aləmzər İbrahimova bildirib ki, Naxçıvan diyarı Azərbaycanın çoxəsrlik zəngin keçmişində layiqli yer tutub, ictimai-siyasi və elmi-mədəni həyatında özünəməxsus rol oynayıbdır. Naxçıvan diyarı zəngin ədəbi ənənələrə malikdir.

Naxçıvan ədəbi mühitinin ölkəmizin ədəbiyyatına parlaq ədəbi simalar, qiymətli əsərlər bəxş etdiyindən danışan Naxçıvan Muxtar Respublikası Yazıçılar Birliyinin sədri, Azərbaycan Respublikasının Əməkdar Mədəniyyət İşçisi Asim Əliyev muxtariyyət dövründə Naxçıvanda yaradıcılıqla məşğul olan qələm sahiblərindən bəhs edib,yaradıcılıqlarından nümunələr səsləndirib.

Sonra Azərbaycan Yazıçılar Birliyinin üzvlərindən - Elxan Yurdoğlu, Təranə Arifqızı, Kəmalə Nəsrin, Məftunə Nur Hüseynbəyli, Əzizə Həsənova, Gulsadə İbrahimli və digər şairlər Səbinə Əlincəli, Aytəkin Səfərəliyeva, Sevinc Səbzəliyeva, Alməmməd Eldaroğlu şeirlər bədii qiraət ediblər.

Sonda "Naxçıvan Muxtar Respublikası -100" başlıqlı sərgiyə baxış keçirilib.