Naxçıvanda əsas kapitala yönəldilmiş vəsaitin 80 faizdən çoxu tikinti-quraşdırma işlərinin payına düşüb

Naxçıvanda cari ilin yanvar-aprel aylarında 53 milyon 981 min manatlıq kənd təsərrüfatı məhsulları istehsal olunub ki, bu da ötən ilin müvafiq dövrü ilə müqayisədə 3,8 faiz azdır.

Naxçıvan Muxtar Respublikası Dövlət Statistika Komitəsinin mətbuat xidmətindən NUHÇIXAN-a bildirilib ki, bu dövrdə iqtisadiyyatın və sosial sahələrin inkişafı üçün bütün maliyyə mənbələrindən əsas kapitala 36 milyon 495 min 400 manat vəsait yönəldilib. Bu da bir il öncəki göstəricidən 27,3 faiz azdır.

Əsas kapitala vəsait qoyuluşunun 29 milyon 427 min 500 manatı və ya 80,6 faizi tikinti-quraşdırma işlərinin payına düşüb ki, bu da 2023-cü ilin müvafiq dövrü ilə müqayisədə 18,8 faiz az deməkdir.