“Naxçıvanbank”dakı hesablardan vəsaitlərin çıxarılması ilə bağlı “Nağd pul ofisi” təşkil edilib

Azərbaycan Mərkəzi Bankı (AMB) “Naxçıvanbank” ASC-nin yenidən təşkili prosesində hesablarında olan vəsaitlərin hesabdan çıxarılması üçün müraciət etməyən fiziki şəxslər, fərdi sahibkar və hüquqi şəxslər üçün hesab qalıqlarının əldə edilməsi ilə bağlı qurumun Naxçıvan İdarəsi ilə yanaşı, “Nağd pul ofisi”nə də müraciət etmək imkanı yaradılıb.

NUHÇIXAN bu barədə AMB-yə istinadən xəbər verir. “Nağd pul ofisi” Bakı şəhəri, Bülbül prospekti 27 ünvanında yerləşir, AMB-nin Naxçıvan İdarəsinin inzibati binasında.

"AMB tərəfindən tədavülə yararsız və zədələnmiş milli pul nişanlarının dəyişdirilməsi, ekspertizaya təqdim edilməsi, eləcə də yubiley və xatirə pul nişanlarının alışı ilə bağlı əhalinin müraciətlərinin operativ şəkildə qarşılanması və vətəndaş məmnunluğunun yüksəldilməsi məqsədilə “Nağd pul ofis”lərinin fəaliyyəti davam etdirilir.

Vətəndaşlar Mərkəzi Bankın Bakı şəhəri, Bülbül prospekti 27 ünvanındakı inzibati binasında yerləşən xidmət ofisinə həftənin II, III və IV günləri saat 10:00-dan 13:00-dək, eləcə də Naxçıvan, Yevlax, Gəncə, Biləsuvar, Quba şəhərlərində yerləşən ərazi idarələrinə həftənin bütün iş günləri saat 10:00-dan 16:00-dək tədavülə yararsız milli pul nişanlarının dəyişdirilməsi, ekspertizaya təqdim edilməsi, eləcə də yubiley və xatirə pul nişanlarının alışı üçün müraciət edə bilərlər", - məlumatda deyilir.