Akademik Həsən Abdullayevin 100 illiyinə həsr olunan poçt markası buraxılıb - FOTOLAR
“Azərmarka” MMC daha bir poçt markası nəşr etdirib.
MMC-dən NUHÇIXAN-a bildirilib ki, yeni poçt markası görkəmli alim, fizika-riyaziyyat elmləri doktoru, Dövlət mükafatı laureatı, Əməkdar elm xadimi, akademik Həsən Abdullayevin anadan olmasının 100 illiyinə həsr edilib. Orijinal markanın kiçik vərəqinin ölçüsü 150x114 millimetr, markanın ölçüsü isə 40x28 millimetrdir. Dizaynı Anar Mustafayeva aid olan bu marka Belarusun Bobruysk şəhərinin “Bobruysk Integrated Printing House” çap evində işiq üzü görüb.
Poçt markası 2018-ci il dekabrın 25-də tədavülə buraxılıb və tiraji 49 min 950 nüsxə təşkil edib. Markaya əlavə olaraq 200 ədəd “Birinci gün” zərfi də hazırlanıb.