Azərbaycan Pakistanla iqtisadi-ticarət sahəsində layihələri müzakirə edəcək

Gələn həftə Azərbaycan və Pakistan arasında iqtisadi-ticarət sahəsində layihələr müzakirə ediləcək.

Bu barədə NUHÇIXAN Pakistan KİV-nə istinadən xəbər verir.

Məlumata görə, müzakirələr iqtisadiyyat naziri Mikayıl Cabbarovun aprelin 8-də Pakistana gözlənilən səfəri çərçivəsində baş tutacaq.

Qeyd olunub ki, potensial investisiya layihələri neft sektorunu, infrastrukturu, ticarəti və İT sahəsini əhatə edir. Ümumiyyətlə, tərəflər Azərbaycanın Pakistandakı layihələrə 2 milyard ABŞ dolları məbləğində investisiya yatırması imkanını müzakirə edirlər.

Bildirilib ki, Azərbaycan neft sahəsində 300 milyon ABŞ dolları məbləğində investisiya qoyuluşu imkanını nəzərdən keçirir, bura Badində neft emalı zavodunun inşası da daxildir.

Məlumata görə, Azərbaycan "Ağ boru kəməri" layihəsinə investisiya yatırmağa hazırdır.

Daha əvvəl bildirilmişdi ki, aprel ayında Bakı və İslamabad Azərbaycanın Pakistana 2 milyard ABŞ dolları məbləğində investisiyaları ilə bağlı sənədləri imzalamağı planlaşdırır.