Naxçıvan Maliyyə Nazirliyinin aparat rəhbəri kollektivə təqdim olunub - FOTOLAR
NUHÇIXAN xəbər verir ki, Naxçıvan Muxtar Respublikası Maliyyə Nazirliyinin yeni təyin olunmuş aparat rəhbəri Nurlan Hacıyev kollektivə təqdim olunub.
Tədbirdə maliyyə naziri Həsən İsmayılov, nazir müavini Elvin Əlimərdanov, Nazirlik Aparatının şöbə müdirləri və Nazirliyin tabeliyində olan qurumların rəhbərləri iştirak ediblər.
Çıxış edən maliyyə naziri Həsən İsmayılov Nurlan Hacıyevin peşəkar fəaliyyət təcrübəsindən söz açaraq onun yeni vəzifəsində də uğur qazanacağına inam ifadə edib, aparat rəhbərinə gələcək işlərində müvəffəqiyyətlər arzulayıb. Daha sonra nazir müavini Elvin Əlimərdanov çıxış edərək yeni təyinat münasibətilə Nurlan Hacıyevə təbriklərini çatdırıb.
Sonda Nurlan Hacıyev göstərilən etimada görə təşəkkürünü bildirib, üzərinə düşən vəzifələri məsuliyyətlə və yüksək peşəkarlıqla yerinə yetirəcəyini qeyd edib.