Azərbaycan Gürcüstana investisiya yatıran ölkələr sırasında liderdir

106

Azərbaycan “Gürcüstanın bir nömrəli investoru” adını 2018-ci ildə də qoruyub saxlayıb. Belə ki, Azərbaycan ötən il Gürcüstan iqtisadiyyatına 240 milyon ABŞ dolları investisiya yatırıb.

NUHÇIXAN xəbər verir ki, bu barədə Gürcüstan Milli Statistika İdarəsinin ilkin hesabatında deyilir.

Bildirilir ki, Gürcüstan iqtisadiyyatına yatırılmış investisiyalarda Azərbaycanın payı 19,5 faiz olub. Bu 2017-ci illə müqayisədə 1,9 dəfə az olsa da Azərbaycan liderliyini qoruyub saxlayıb.

Gürcüstan iqtisadiyyatına ən çox sərmayə qoyan ölkələr sırasında Böyük Britaniya 203,7 milyon dollarla ikinci, Niderland isə 167,9 milyon dollarla üçüncü yerdədir.

Ümumilikdə keçən il Gürcüstanda xarici investisiyaların ümumi məbləği 1 milyard 232,4 milyon dollar təşkil edib. Bu da bu da illik müqayisədə 34,9 faiz azdır. Azalmanın əsas səbəbləri kimi boru kəməri layihəsinin başa çatması, bəzi şirkətlərdə mülkiyyət hüququnun qeyri-rezidentdən rezidentə transferi və qeyri-rezident birbaşa investorların öhdəliklərinin azalması göstərilir.

Hesabat ilində Gürcüstanda ən çox sərmayə maliyyə sektoruna (279,9 milyon dollar), nəqliyyat (209,9 milyon dollar)və energetika (157,2 milyon dollar) sektorlarına yatırılıb.

Mətndə səhv varsa, onu qeyd edib Ctrl+Enter düyməsini basaraq bizə göndərin.

Digər xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək: