Qızılın qiyməti bütün zamanların ən yüksək həddinə çatıb
Dünyada qızılın qiyməti artmaqda davam edir.
NUHÇIXAN xəbər verir ki, oktyabrın 6-da “Comex” birjasında dekabr ayı üçün qızıl fyuçerslərinin qiyməti 1 faiz artaraq bir unsiya üçün 3949 dolları ötüb. Bu, qızılın bütün zamanların ən yüksək qiyməti hesab olunur.
Ekspertlər bildirirlər ki, qızılın bu səviyyəyə çatmasına səbəb geosiyasi gərginlik, inflyasiya təzyiqləri və ABŞ Federal Ehtiyat Sisteminin sərt monetar siyasətidir. Analitiklər hesab edirlər ki, ilin sonunadək qiymət 4000 dollar həddini də keçə bilər.