Naxçıvanda daşınmaz əmlakla bağlı elektron müraciətlərin sayı 13,9 faiz artıb
Naxçıvan Muxtar Respublikasının İqtisadiyyat Nazirliyi yanında Əmlak Məsələləri Dövlət Xidməti vətəndaş məmnunluğunun təmin edilməsi, xidmətlər üzrə müraciətlərin operativ icrası, çevikliyin artırılması, vətəndaşlarla təmasların minimuma endirilməsi, vaxt itkisinin aradan qaldırılması üçün elektron xidmətlərin əhatə dairəsini genişləndirib.
Nazirlikdən NUHÇIXAN-a verilən məlumata görə, 2025-ci ilin yanvar-noyabr aylarında hüquqi və fiziki şəxslər, həmçinin notariat ofisləri tərəfindən Əmlak Məsələləri Dövlət Xidmətinə 6744 elektron müraciət daxil olub. Bu da ötən ilin analoji dövrü ilə müqayisədə 13,9 faiz artım deməkdir.