Şahbuzda ötən il 26 min 890 manatlıq sənaye məhsulu istehsal olunub
Şahbuz rayonu üzrə 2025-ci ildə bütün maliyyə mənbələri hesabına əsas kapitala yönəldilmiş vəsaitlərin həcmi 7 milyon 615 min 200 manat təşkil edib.
NUHÇIXAN xəbər verir ki, bunu Şahbuz Rayon İcra Hakimiyyətinin başçısı Rəfael Babayev yanvarın 15-də “2025-ci ildə Şahbuz rayonunun sosial-iqtisadi inkişafının yekunları və qarşıda duran vəzifələr”ə həsr olunmuş hesabat tədbirində deyib.
O bildirib ki, tikinti-quraşdırma işlərində istifadə olunmuş investisiyaların həcmi 6 milyon 943 min 400 manat olub. Ötən il 26 min 890 manatlıq sənaye məhsulu istehsal edilib.
Vurğulanıb ki, 2025-ci ildə rayоnun yerli büdcəsinin gəlirləri 3 milyon 500 min manat plana qarşı 4 milyon 153 min 448 manat icra оlunaraq, büdcəyə 653 min 448 manat çox vəsait daхil оlub. Yerli büdcə xərcləri isə 4 milyon 416 min manat dürüst təyinata qarşı 3 milyon 239 min 143 manat olmaqla, 1 milyon 176 min 857 manat qənaətlə yerinə yetirilib.
Qeyd olunub ki, rayon iqtisadiyyatının əsasını təşkil edən və əhalinin əsas məşğulluq sahəsi olan aqrar sahəyə maraq artıb. 2025-ci ildə rayon üzrə 36 milyon 440 min 300 manatlıq kənd təsərrüfatı məhsulu istehsal olunub.