Culfadakı "Gülüstan" qum-çınqıl yatağı istifadəyə verilib - FOTOLAR

Naxçıvan Muxtar Respublikasının Culfa rayonunda yerləşən "Gülüstan" qum-çınqıl yatağının istifadəyə verilməsi üzrə hərrac keçirilib.

NUHÇIXAN-ın məlumatına görə, hərracı Naxçıvanın Ekologiya və Təbii Sərvətlər Nazirliyi yerli İqtisadiyyat Nazirliyi yanında Əmlak Məsələləri Dövlət Xidmətinin tabeliyindəki Hərracların Təşkili Mərkəzində keçirib.

Başlanğıc qiyməti 10 000 manat müəyyən edilmiş hərrac 13 900 manatla yekunlaşıb.

Hərrac ölkə Prezidentinin 23 oktyabr 2003-cü il tarixli fərmanı ilə təsdiq edilmiş "Yer təkinin istifadəyə verilməsi üzrə hərracların (auksion və müsabiqələrin) keçirilməsi Qaydaları"na uyğun olaraq həyata keçirilib.