Bakı limanında mayda 812 min tondan çox yük aşırılıb
Bu ilin may ayında Bakı Beynəlxalq Dəniz Limanında 812 min 165 tondan çox yük aşırılıb.
Bu barədə NUHÇIXAN-a "Azərbaycan Dəmir Yolları" QSC-dən (ADY) bildirilib.
Məlumata əsasən, bu, ötən ilin eyni dövrü ilə müqayisədə 77 min 543 ton və ya 11 % çoxdur.
Bundan başqa, yanvar-may aylarında limanda aşırılmış TEU konteyner yükü isə 50 min 50 TEU-nu keçərək keçən ilin 5 ayı ilə müqayisədə 3 858 TEU və ya 9 % çox olub.