Ağdam Sənaye Parkındakı müəssisələr 1,86 milyard manatlıq məhsul satıb
Ağdam Sənaye Parkına yatırılan sərmayənin həcmi 171,68 milyon manata çatıb.
NUHÇIXAN xəbər verir ki, bu barədə İqtisadi Zonaların İnkişafı Agentliyi (İZİA) məlumat yayıb.
İZİA-nın idarəçiliyində olan parkda fəaliyyət göstərən müəssisələr tərəfindən 1,86 milyard manatlıq məhsul satışı həyata keçirilib. Bunun 82,33 milyon manatlıq hissəsi ixracın payına düşür.
Burada 1000-dən çox daimi iş yeri yaradılıb.
Sənaye parkında 31 sahibkarlıq subyektinə rezident, 4 sahibkara isə qeyri-rezident statusu verilib.