bp-də işləyən Azərbaycan vətəndaşlarının sayı açıqlanıb

Cari ilin ikinci rübünün sonunda bp şirkətinin işçiləri olan Azərbaycan vətəndaşlarının sayı 2363 nəfər təşkil edib və bura müddətli müqavilə əsasında işləyən işçilər də daxildir.

Bu barədə NUHÇIXAN-a bp şirkətindən bildirilib.

“2018-ci ilin ortalarından bp-nin ixtisaslı işçilərinin 90 faizini milli kadrlar təşkil edir. İxtisası olmayan işçilər isə 100 faizi yerli vətəndaşlardan ibarətdir.

bp öz təlim və inkişaf proqramlarını daha da optimallaşdırmaq, yüksəksəviyyəli kadrlar üzrə yerli bazarı daha da yaxşılaşdırmaq məqsədilə dövlət və özəl sektorun təşəbbüslərində yaxından iştirak etmək səylərini davam etdirəcək”, - deyə şirkətin məlumatında qeyd olunub.