Birinci yarımildə Maliyyə Nazirliyi 68 akt layihəsi hazırlayıb

Bu ilin I yarımildə Maliyyə Nazirliyi tərəfindən 68 akt layihəsi hazırlanıb ki, bu sənədlərin 41-i təsdiqlənib.

NUHÇIXAN Maliyyə Nazirliyinə istinadən xəbər verir ki, altı ayda hazırlanan akt layihəsinin 27-si Nazirlər Kabinetinin sərəncamı, 17-si Prezidentin fərmanı, 12-si Nazirlər Kabinetinin qərarı, 10-u Azərbaycan Respublikası qanunu, 2-si Maliyyə Nazirliyinin Kollegiya qərarı olub.

Maliyyə Nazirliyinə daxil olmuş hüquq akt layihələrinin sayı 678 olub. Eyni zamanda, 505 layihəyə rəy verilib, 173 layihə Maliyyə Nazirliyinin rəhbərliyi tərəfindən vizalanıb, 2025-ci ildə hazırlanmış 12 layihə cari ildə qəbul edilib.