Yeddi ayda Bakı-Tbilisi-Ərzurum kəməri ilə 13,3 milyard kubmetr qaz ixrac edilib
Bu ilin yanvar-iyul aylarında Azərbaycandakı magistral təbii qaz kəmərləri ilə 23 milyard 989,9 milyon kubmetr təbii qaz nəql edilib və əvvəlki ilin eyni aylarına nisbətən 2,4 faiz artım müşahidə olunub.
Dövlət Statistika Komitəsindən NUHÇIXAN-a verilən məlumata görə, hesabat dövrü ərzində qaz nəqlinin 55,8 faizi (13 milyard 385,1 milyon kubmetr) Bakı-Tbilisi-Ərzurum Cənubi Qafqaz boru kəməri vasitəsilə həyata keçirilib.