Naxçıvanda vergi ödəyicilərinin sayı 7 %-ə yaxın artıb

Bu il sentyabrın 1-nə Naxçıvan Muxtar Respublikası üzrə uçotda olan vergi ödəyicilərinin sayı 56 418-ə çatıb.

NUHÇIXAN-ın məlumatına görə, onların 94,7 %-ini fiziki şəxslər, 5,3 %-ini isə hüquqi şəxslər və digər təşkilatlar təşkil edir.

2025-ci ilin müvafiq dövrü ilə müqayisədə vergi ödəyicilərinin ümumi sayı 6,7 % artıb. Bu dövrdə fiziki şəxslərin sayı 6,8 %, hüquqi şəxslərin sayı isə 5,7 % yüksəlib.

Hesabat dövründə qeydiyyatda olan kommersiya qurumlarının sayı da artaraq 1 939-a çatıb. Bu göstərici ötən ilin eyni dövrü ilə müqayisədə 13,8 % çoxdur.

Bu ilin yanvar–avqust aylarında qeydiyyata alınan kommersiya qurumlarının 85,4 %-i elektron qaydada, 14,6 %-i isə kağız daşıyıcısı əsasında qeydiyyatdan keçib.