Azərbaycanda neft bitumu və neft koksu istehsalının həcmi açıqlanıb
Bu ilin yanvar-avqust aylarında Azərbaycanda 536,9 min ton neft koksu, neft bitumu və neft məhsullarının digər qalıqları istehsal edilib.
Dövlət Statistika Komitəsindən NUHÇIXAN-a bildirilib ki, bu göstərici 2025-ci ilin eyni dövrü ilə müqayisədə 13,6 min ton və ya 2,6 faiz çoxdur.
Bu ilin sentyabrın 1-i vəziyyətinə ölkədə hazır sözügedən məhsulların ehtiyatı 34,7 min ton təşkil edib.
Hesabat dövründə Azərbaycanda 104,6 min ton neft bitumu, 161,9 min ton isə neft koksu istehsal edilib. Ötən ilin ilk 8 ayındakı göstərici ilə müqayisədə ölkədə neft bitumu istehsalı 54,9 min ton və ya 34,4 faiz azalıb, neft koksu istehsalı isə 12,1 min ton və yaxud 8,1 faiz artıb.