Naxçıvanda pivə istehsalı artırılacaq
Naxçıvan Muxtar Respublikasında fəaliyyət göstərən “Prestij Naxçıvan Pivəsi” şirkəti məhsul istehsalını artırmağı planlaşdırır.
NUHÇIXAN xəbər verir ki, bu barədə şirkətin direktoru Seyfəddin Rəhimov deyib.
Onun sözlərinə görə, bu, onunla əlaqədardır ki, şirkətin pivə məhsuluna Naxçıvanda, eləcə də Azərbaycanda böyük tələbat var:
“Biz daxili tələbatı tam təmin etmək üçün istehsalatı genişləndirməyi planlaşdırırıq. Hələlik ölkə xaricinə ixrac nəzərdə tutmuruq. Bu məsələ bu il üçün şirkətin gündəliyində deyil”.
Qeyd edək ki, “Prestij Naxçıvan Pivəsi” şirkəti İtaliya, Çexiya, Macarıstan və Almaniya avadanlıqları ilə təchiz edilib.