“Qaradağ” Günəş Elektrik Stansiyasında istehsal olunan enerjinin həcmi açıqlanıb
"Qaradağ" Günəş Elektrik Stansiyasında (GES) istismara verildiyi tarixdən bu il oktyabrın 1-dək 1488 milyon kilovat-saat elektrik enerjisi istehsal olunub.
NUHÇIXAN xəbər verir ki, bu barədə Energetika Nazirliyi məlumat yayıb.
550 hektar ərazini əhatə edən “Qaradağ” GES-də 570 min Günəş paneli quraşdırılıb. Gücü 230 meqavat olan "Qaradağ" Günəş Elektrik Stansiyası 2023-cü il oktyabrın 26-da işə salınıb.
Azərbaycanın bərpaolunan enerji sahəsində ilk irimiqyaslı beynəlxalq investisiya layihəsi olan stansiya ölkəmizdə yaşıl enerji keçidinə və elektrik enerjisi istehsalında bərpaolunan enerjinin payının artmasına mühüm töhfə verir.