“Biletim.az” portalı üzərindən bilet satışı 1,6 dəfə artıb
“Biletim.az” portalı üzərindən onlayn bilet satışı 1,6 dəfə artıb.
Azərbaycan Yerüstü Nəqliyyat Agentliyindən (AYNA) NUHÇIXAN-a bildirilib ki, bu ilin yanvar-oktyabr ayları ərzində portal vasitəsilə onlayn qaydada 1 milyon 34 min 341 bilet əldə edilib. On ay ərzində onlayn bilet satışının həcmi 42 faiz olub. Ötən ilin müvafiq dövründə bu göstərici 28 faiz idi.
2025-ci ilin yanvar-oktyabr ayları ərzində qabaqcadan satış üzrə biletlərin xüsusi çəkisi 36,5 faiz idisə, cari ilin müvafiq dövründə bu göstərici 48 faizə yüksəlib.
Bu artımlar sərnişinlərin avtovağzal xidmətlərinə etimadının artdığını və səfərlərini planlaşdırarkən onlayn bilet alışı imkanlarından daha fəal istifadə etdiklərini göstərir.