Türkmənistanda Xəzəryanı ölkələrin nəqliyyat nazirlərinin görüşü olub
Türkmənistanda, “Avaza” milli turizm zonasında birinci Xəzər İqtisadi Forumu çərçivəsində Xəzəryanı ölkələrin nəqliyyat nazirlərinin görüşü keçirilib.
NUHÇIXAN xəbər verir ki, görüşdə ölkələr arasında nəqliyyat məsələləri və bu sahədə mümkün perspektivlər müzakirə olunub.
Görüşdə nəqliyyat potensialının səmərəli istifadəsi, həmçinin turizm sektorunda əlaqələrin genişləndirilməsi, investisiya fəaliyyətinin təşviqi kimi nəqliyyat və logistika sahəsində faydalı əməkdaşlığın inkişafı ilə bağlı məsələlərdən də danışılıb.
Sonda tərəflər arasında əməkdaşlıq haqqında sənəd imzalanıb.