OPEC 2040-cı ilədək qlobal neft hasilatının 10 faiz artacağını proqnozlaşdırır
Neft İxrac Edən Ölkələr Təşkilatı (OPEC) 2040-cı ilə qədər qlobal neft hasilatının 10 faiz artacağı ilə bağlı proqnozunu Nur-Sultanda keçirilən XII Kazenergy Avrasiya Forumunda açıqlayıb.
NUHÇIXAN xəbər verir ki, forumda OPEC-in baş katibi Məhəmməd Barkindo qarşıdakı 20 ilədək qlobal hasilatın gündəlik 12 milyon barrel artacağını bildirib.
M.Barkindo 2040-cı ilədək neft-qaz sənayesi enerji sektorunda ən böyük payı saxlayacağı ilə əlaqədar qlobal sorğunun noyabrın 5-də açıqlanacağını deyib.