Türkiyə Naxçıvana qaz kəmərinin çəkilişi ilə bağlı tender keçirəcək
Türkiyədə Naxçıvana qaz kəmərinin çəkilməsi ilə bağlı tender elan olunacaq.
NUHÇIXAN İnformasiya Agentliyinin məlumatına görə, tenderdə iştirak üçün müraciətlər iyunun 30-a qədər qəbul olunacaq.
Boru kəmərinin ümumi uzunluğu 82 kilometrdir. Tenderin qalibi 270 gün ərzində tikintini yekunlaşdırmalıdır.
Qeyd edək ki, hazırda Naxçıvana qaz İrandan svop əməliyyatı ilə tədarük olunur.
Bir qədər əvvəl Türkiyənin Energetika və Təbii Resurslar Nazirliyindən Trend-ə bildirilmişdi ki, İqdır vilayətindən Naxçıvana boru kəmərinin tikintisi Türkiyə və Azərbaycan üçün prioritet məsələdir.